Музей лёну Грынкоўскага вучэбна-педагагічнага комплексу дзіцячы сад – сярэдняя агульнаадукацыйная школа

Подробности

Опубликовано 18.11.2013 11:13

Автор: Свислочский р-н., Гродненская обл.

Зараз наведвальнік можа назіраць увесь працэс апрацоўкі ільна: ад вырошчвання да вытворчасці льняной тканіны. Гэтаму прысвечаны яго 8 экспазіцый: "Лён – наш гонар і багацце", "Льноводства ў Беларусі", "Лён на Свіслаччыне", ""Нашы ільноводы", "Слонімскі льнокамбінат", "Аршанскі льнокамбінат", "Тэхналогіі апрацоўкі лёну ў мінулым", "Грынкоўскія майстрыхі".

Трэпачы, матавіла, скальні, кросны... – самыя розныя прыстасаванні і прылады працы, якія экспануюцца ў музеі, дазваляюць у пэўнай ступені наблізіцца да ўяўлення цяжкай працы з ільном. Разнастайныя віды лёну, канчатковая прадукцыя: абрусы, посцілкі, рушнікі, аддзенне – усё гэта ёсць магчымасць на ўласныя вочы пабачыць ў музеі.

Таксама ў музеі можа пазнаёміцца з узорамі вытворчасці Аршанскага і Слонімскага ільнокамбінатаў, дзе традыцыя і сучаснасць спалучаюцца ў найноўшых вырабах.

У музеі таксама сабрана багатая калекцыя крыніц па гісторыі лёну, як тэхнічнай культуры. Тут прыкметы, прымаўкі і прыказкі, песні, вершы, у якіх ідзе гаворка пра гэтую культуру.

У музеі праводзяцца экскурсіі. Можна замовіць тэматычныя і аглядныя экскурсіі з дэманстрацыяй пэўных дзеянняў па апрацоўцы лёну. Музей лёну ў Грынках – першы музей ў вобласці такога напрамку.